Pengerjaan Talud Selesai – Puji pangalembono syukur kunjuk dhumateng ngarsa dalem Allah SWT awit sampun paring nikmat kasarasan dhumateng warga RT 03 Banyu Tumumpang. Wonten ing wulan Agustus kapengker wonten ing kukuban wilayah Banyu Tumumpang sampun kalampah program pembangunan talud margi ing sak ler lapangan bola volley RT 03.
Awit sinengkuyung para warga Bapak-bapak rina wengi anggenipun ngayahi karya pasang watu punika sampun kalampah 2 dinten Ahad, lan 4 dalu mbok bilih sesuai saking target. Volume pedamelan talud nggih sampun dipun ukur lan sesuai kalih ingkang karancang dening panawung kridha.
Pedamelan Talud punika dipun adani kanthi gotong royong boten bayaran. Temtu kemawon punika budaya jawi ing tlatah Ngayogyakarta Hadiningrat. Ananing malah warga ingkang mboten tumut pedamelan nderek pasok arta kagem kontribusi pembangunan ingkang gunggum 20 ewu rupiah.
Program Pembangunan Punika saking anggaran BKK Kalurahan Bangunjiwo lan sinengkuyung Dana Swadaya saking warga Banyu Tumumpang RT 03. Dana swadaya punika dipun dalaken saking saldo Dana Perondan, Dana Gotong Royong, Bendahara Umum lan Sinengkuyung Dasawisma 7&8. Gunggum lan jlentrehipun arta lumebet lan ingkang dipun dalaken samangke wonten ing foto ing ngandhap punika.
Pengerjaan Talud Selesai, Saldo Kas Menipis
Sampun cetha wela-wela sesuai judul “Pengerjaan Talud Selesai, Saldo Kas Menipis” arta ingkang sampun dipun dalaken kagem pedamelan talud punika nggih boten sekedhik, ananging punika wujud tanggel jawab pengurus RT, Poro Warga kagem Pembangunan Fisik Wonten ing Wilayah RT 03.
Dokumentasi Kegiatan Sanesipun
